Sommartips til foreldre i Bjørnafjorden kommune

Ver tett på

• Lag klare avtalar om innetid og kvar det er greitt å vere. Der mange ungdommar heng og samlar seg, skjer ofte kjøp og sal av vape (e-sigarettar), alkohol og andre rusmidlar. Tjuveri førekjem òg, både frå butikkar og ungdom imellom.
• Snakk med barnet ditt. Spør kven dei er med, kvar dei er og kva dei gjer. Vis interesse! 
• Ver tilgjengeleg. Svar på telefonen og hent barnet ditt om nødvendig.  
• Pass på farten! Trimma elsparkesyklar og høg fart er faktisk farleg.
• Støtt barnet ditt. Mange tør ikkje seie ifrå om alvorlege hendingar. Støtt barnet ditt i at det er rett og viktig å varsle om ting som ikkje er greitt – og ikkje minst i at det er lurt å fortelje om det til deg.

Følg med digitalt 

• Følg med og set tydelege grenser. I den digitale verda skjer det mykje som barn ikkje er i stand til å handtere, som mobbing, uthenging, utestenging, sal av narkotika, deling av seksuelt innhald og deling av grove valdshendingar. 
• Snakk med barnet ditt om kva han eller ho ser på digitalt. Ver open og nysgjerrig.
• Følg med på kva for appar dei brukar, kven dei snakkar/chattar med og kva dei ser. Ver obs på appar som Telegram, Jodel, TikTok og Snapchat. 
• Set grenser for skjermtid, særleg på kveld og natt.