Dette skjer i Bjørnafjorden i haust
Måndag 22. september
kl. 12.30 Opning i Os frivilligsentral
Foredrag: “Vi må styrke vår psykiske beredskap”, ved kommunepsykologane Siren Jerman Bjørstad og Hans Drange Blytt
Musikalsk innslag ved Anna Neset.
Anna er ein songar og låtskrivar frå Os. Ho har tidlegare gitt ut to album på engelsk, og har det siste året gitt ut fleire låtar på norsk. I tekstane har ho fokus på psykisk helse, utanforskap, kjærleik og medmenneskelegheit.
Enkel servering.
Tysdag 23. september
kl. 10-14 Open dag på Livskvalitet ski- og sykkelverkstad.
Onsdag 24. september
Arrangement for ungdom, Ung Arena. Meir informasjon kjem.
Tysdag 30. september
kl. 17.30 Foredrag med Morten Sommerbakk, kantina på Os ungdomsskule
Morten Sommerbakk er erfaringsformidlar ved Huset Bergen – eit brukarstyrt hus for personar i aktiv rus og under behandling.
+ Venneveko i veke 40
Les meir om Venneveko
Venneveko blir i år arrangert for sjuande gong i Bjørnafjorden.
Venneveko blir også i år markert i samband med verdsdagen for psykisk helse, veke 39-42, med temaet «vi treng å styrke vår psykiske beredskap».
- Aktivitetstilbod, møteplassar og oppleving av å høyre til er viktige inkluderande faktorar som gir auka livskvalitet. I dag kjenner mange på uro og usikkerheit, i verda rundt oss og i eige liv. Det stiller nye krav til korleis vi tar vare på vår psykiske helse, som enkeltpersonar og som samfunn.
- Venneveko starta som eit lokalt tiltak og samarbeid mellom Os kommune og Os kyrkjelyd. I dag er Venneveko eit folkehelsetiltak for heile Bjørnafjorden, der barnehagar, skular og alle vi andre blir oppmoda til å gjere ein forskjell. Venneveko inngår òg som ein del av Ingen utanfor (IU)-satsinga i barneskulane i kommunen.
Kva kan DU bidra med?
Vi ynskjer å mobilisere breitt, og utfordrar alle: barnehagar, skular, eldresenter, sjukeheimar, bedrifter, idrettslag, kyrkja, frivillige organisasjonar og alle der heime om å ha eit spesielt fokus på inkludering, fellesskap og vennskap i løpet av veke 39-42.
Du kan vere med å gjere ein forskjell for dei du har rundt deg. Klarer vi alle å setje fokus på dette temaet i desse vekene, kan vi skape noko sterkt saman!
På denne sida kan du finne gode eksempel på kva du kan gjere for andre: Undervisningsopplegg og aktiviteter | Verdensdagen for psykisk helse
Tysdag 30. oktober
kl. 17-19 “Skriving som eit kraftfullt verktøy for personleg vekst og utforsking av kjensler og levd liv”. Skriveverkstad med Solveig Johanne Grønstøl, Bjørnafjorden hovudbibliotek
Les meir om skriveverkstaden
Solveig Johanne Grønstøl er busett på Bømlo. Ho debuterte som forfattar i 2015, og har sidan gitt ut fleire diktsamlingar.
Gjennom vidareutdanning innan skriveopplæring, samt livserfaring, har Solveig utvikla ei djup forståing for skriveprosessar. Ho ser på skriving som eit kraftfullt verktøy for personleg vekst, utforsking av kjensler og levd liv. Poesien hennar er verdsett for evna til å uttrykke kjensler og livserfaringar på ein enkel, men treffande måte. Solveig sine dikt har funne vegen til både fagbøker, antologiar og tidsskrift, og blir nytta i ulike samanhengar, frå gravferder til rehabilitering.
Desse temaa blir utforska på skriveverkstaden:
- Kvifor skrive?
- Kva skjer når vi skriv? Korleis kan det hjelpe oss?
- Korleis kome i gang med skrivinga?
- Kva hindrar oss?
- Skrivesperre – korleis forløyse?
Alle arrangement er gratis og opne for alle. Du er hjarteleg velkommen!