Slik er flyktningtenesta organisert

Busettingsteamet er dei første du møter når du kjem til kommunen. Det er vi som tar deg imot og følgjer deg opp fram til du startar på introduksjonsprogrammet. Dette er vanlegvis dei tre første månadane du er i kommunen. 
Vi hjelper deg å komme på plass i ny bustad, bistår med praktiske ting i bustaden og svarar på økonomiske spørsmål fram til du begynner på introduksjonsprogrammet. Dette er til dømes søknad om bustøtte, oppretting av bankkonto og betaling av husleige. 

Introteamet har ansvar for innhaldet i introduksjonsprogrammet og oppfølging av deltakarane. Går du i introduksjonsprogrammet, vil du ha ein fast kontaktperson som følger deg opp og gir deg råd. Vi som jobbar i introteamet lagar timeplan og årsplan for introduksjonsprogrammet basert på IMDi sin rettleiar. 

Miljøteamet gir ekstra oppfølging til dei som har behov for det, og samarbeider ofte på tvers av ulike avdelingar i kommunen.  

Vi brukar tolk så lenge det er behov for det, men skriftleg kommunikasjon går gjerne på norsk og/eller engelsk. Bruk gjerne Google translate for å omsetje, slik at vi kan hjelpe deg.