Høyring i namnesaker

Kartverket har reist namnesaker for tre stadnamn i Bjørnafjorden. Sakene vert reist for å få avklart rett skrivemåte i offentleg bruk. Dette gjeld gardsnamnet Halhjem, naturnamnet Sætråsen og naturnamnet Håvikvatnet. Du kan senda inn høyringssvar innan 1. april.

Før Kartverket gjer endeleg vedtak i sakene ønsker dei å få høyringsuttale frå kommunane. Etter Lov om stadnamn skal kommunen kunngjera sakene lokalt slik at innbyggjarane kan koma med innspel. 

Haljem/Halgjem/Halhjem

I offentlege kart er det tre ulike variantar av Haljem/Halgjem/Halhjem for namnet til gard nr 44 i Bjørnafjorden kommune. På kartet er det nytta ulike namneformer i samansette namn som Halgjemsosen, Haljemsøya og Halhjem ferjekai. Dette ønsker Kartverket å ordna opp i slik at det blir ei gjeldande namneform og skrivemåte for gardsnamnet. 

Sætråsen/Sæteråsen/ Setråsen

På Nordtveit skal det setjast namn på eit naturreservat. Det er reist sak om namnet Sætråsen som også kan skrivast Sæteråsen/ Setråsen. Stadnamnstenesta i Språkrådet meiner at alle namn i Hordaland med namnelekken seter/sæter bør skrivast med -e slik at det aktuelle namnet bør skrivast Setråsen. 
Kartverket tar dette opp som eit prinsipielt spørsmål om rett skrivemåte også for dei andre namna med skrivemåten sæter/sætr- i dagens kart for Bjørnafjorden. Dermed er det mange andre namn som kan bli endra som følgje av denne saka. 

Hope

I tillegg har kartverket teke med tre namn i utmarka på garden Hope i Holmefjordskrinsen. Namna som treng nærare avklaring er: 

  • Nybben (haug) 
  • Eikeskorena/ Eikeskorene (li) 
  • Nordeikeskorena/ Nordeikeskorene (li)  

Håvikvatnet/ Håvikavatnet/Håvikvatn/ Håvikevatnet

På grensa mellom Bjørnafjorden og Kvinnherad heilt i sør, er det eit vatn med mange namn. Det er registrert fire ulike variantar: Håvikvatnet/ Håvikavantnet/Håvikvatn/ Håvikevatnet.
Her ønsker Kartverket at vi landar på ein variant som offisiell skriveform, men kva for ei? 

Les meir 

Du finn meir informasjon om dei aktuelle sakene i breva til kommunen frå Kartverket: 
Brev frå Kartverket – Oppstart av namnesak 2018/49 – Haljem/Halgjem/Halhjem (PDF, 400 kB) 
Brev frå Kartverket – Oppstart av namnesak 2019/42 – Sætråsen/ Sæteråsen/ Setråsen  (PDF, 413 kB)
Brev frå Kartverket – Oppstart av namnesak 2019/40 – Håvik(e)(vatnet  (PDF, 325 kB)

Send innspel  

Høyringsfristen er 1. april 

Har du spørsmål om namnesakene? 
Kontakt saksbehandlar Erik Vangsnes tel 47277146, e-post erva@bjornafjorden.kommune.no

Sist endra 13.03.2025 08:46