Bjørnafjorden kommune har ein gjeldande trafikksikringsplan for perioden 2022–2026 (PDF, 3 MB). Planen legg føringar for kommunen sitt arbeid med trafikksikring, medan handlingsdelen konkretiserer tiltak som skal prioriterast og gjennomførast.
I tråd med planlagt rullering er det no handlingsdelen som skal oppdaterast. Sjølve tekstdokumentet til trafikksikringsplanen er ikkje foreslått endra, men blir vidareført uendra for ny planperiode 2026–2030.
Om rulleringa
Rulleringa av handlingsdelen til trafikksikringsplanen inneber
- oppdatering av tiltakslista
- justering av prioriteringar
- vurdering av nye innspel og behov
Mål, strategiar og overordna føringar i sjølve plandokumentet blir vurderte som framleis relevante, og det er ikkje foreslått endringar i denne delen av planen.
Send innspel seinast 16. juni
Fram til 16. juni 2026 kan innbyggarar, lag og organisasjonar, offentlege instansar og andre interesserte kome med innspel, før handlingsplanen skal til endeleg politisk behandling.
Du kan sende innspel til tiltak på kommunal veg, fylkesveg og E39.
Sjå dokumenta i saka
Under finn du alle dokument i den politiske saka som har vore til behandling i ungdomsrådet, eldrerådet, råd for menneske med nedsett funksjonsevne (RMNF) før plan-, bygg- og miljøutvalet i april vedtok å opne for innspel. Du kan blant anna lese innspel som kom inn i prosessen fram mot ny trafikksikringsplan for Bjørnafjorden kommune, vedtatt i 2021.
Innspela som kjem inn i denne runden skal behandlast i PBM før dei går vidare til kommunestyret.