Brei involvering
I tråd med forvaltningslova er det berre Forskrift om godtgjersle og kostnadsdekking for folkevalde som formelt krev offentleg høyring. Ved sist revisjon av dei politiske reglementa i Bjørnafjorden kommune vart likevel også dei øvrige politiske reglementa sende på høyring før endeleg behandling.
Dette har vore gjort for å sikra openheit og brei forankring i arbeidet med politiske reglement, og for å legga til rette for at også dei partia som ikkje er representerte i ombodsutvalet eller i formannskapet får høve til å spela inn til reglementa før dei kjem til sluttbehandling og endeleg vedtak i kommunestyret.
Kommunedirektøren vurderer at brei forankring av reglementa er positivt både for samarbeidet og saksbehandlinga i dei politiske organa, i tillegg til at brei involvering kan gje fleire gode innspel til reglementa. Kommunedirektøren foreslår difor at alle reglementa vert sende ut på høyring også denne gong. Etter høyringsrunden vil ombodsutvalet få reglementa til behandling igjen, før sluttbehandling i kommunestyret, i juni eller september 2026, avhengig av kor mange og store høyringsinnspel vi får inn.