I samsvar med plan- og bygningslovens § 12-12 kunngjer Bjørnafjorden kommune at endring av detaljreguleringsplan for Haganeset del av 118/4 er vedteken. Planområdet ligg ved Hafskor i Eikelandsosen.
Endringen gjeld følgjande:
· Tilpassing av føremålsgrenser slik at dei samsvarer i større grad med eigedomsgrensene.
· Nye avkøyrselspiler i plankart i tråd med eksisterande avkøyrsler slik dei er etablert.
· Flytting av vegbane slik at den samsvarar med vegen som vart etablert i samband med utbygginga. Endringa av veg rettar og opp i avvik mellom detaljregulering for Haganeset 118/4 og detaljregulering for Haganeset naustområde.
Vedtaket er gjort administrativt i samsvar med Bjørnafjorden kommune sitt delegasjonsreglement.
Klage
Du kan klage på vedtaket dersom du er part i saka eller dersom du har konkret, praktisk og aktuell interesse i ei rettsleg avklaring på vedtaket. Klagefrist er 10.04.2020. Klage skal sendast til post@bjornafjorden.kommune.no