Velkomstkomité med refleksvest.Ved starten på eit nytt skuleår er det lurt å å minne både elevar og føresette på korleis vere ein trygg trafikant. På Nore Neset stilte politiet saman med representantar for Trygg Trafikk og Samferdsle-avdelinga i kommunen. Politiet var synlege ute ved skulestart, før dei var innom på 1. trinn og slo av ein prat om smart åtferd i trafikken.
Trygg Trafikk snakka med 1. og 2. klassingane om sykkelhjelm og andre nyttige trafikktema, og delte ut skulestart-hefte med oppgåver om trygg trafikk.
Første hjartesone
Trafikktryggleik er slett ikkje eit nytt tema på Nore Neset barneskule. I vinter var norenesingane dei første i Bjørnafjorden som fekk Hjartesone rundt skulen sin.