Bjørnafjorden kommunestyre har i møtet den 15.05.2025 behandla Detaljreguleringsplan for Vetlerinden 17/416 og gjort følgande vedtak i saka:
"Bjørnafjorden kommunestyre vedtar framlegg til detaljregulering for Vetlerinden 17/416, med plankart datert 17.02.2025 og føresegner datert 21.03.2025. Vedtaket er gjort med heimel i plan- og bygningslova §12-12,1. avsnitt, jf. § 1-5.
Kommunestyret sitt endelege vedtak om reguleringsplan kan klagast på, jf. pbl. § 12-12, 3. avsnitt, jf. § 1-9m, jf. fvl. § 28.
I samsvar med fvl. § 27 b, blir det bestemt at søksmål om gyldigheita av vedtaket, eller krav om skadebot som følgje av vedtaket, ikkje skal kunne reisast utan at part har nytta sitt høve til å klage over vedtaket, og at klagen er oppe og avgjort av den høgaste klageinstansen som står open.
Før kunngjering skal tiltakshavar påføre behandlingsdato og fjerne vassmerking i dokumenta".
Detaljreguleringa gjeld fortettingsområde i Lysefjorden som omfattar bustad og næring, etter ønska utvikling av området. Planen skal utvikle Lysefjorden til å bli eit attraktivt lokalsenter med bustader, næring/handel og kommunale tenester.
Plankart Vetlerinden_17.02.2025 VEDTATT_15.05.2025.pdf (PDF, 459 kB)
Føresegner Vetlerinden_21.03.2025_VEDTATT_15.05.2025.pdf (PDF, 244 kB)
Øvrige saksopplysningar finn du her.
Vedtaket kan påklagast. Fristen for å klage er den 26. juni 2025. Venlegst referer til saksnummer 23/1249 i klagen.
Klagen skal vera skriftleg og sendast til:
Bjørnafjorden kommune, Postboks 24, 5649 Eikelandsosen
eller post@bjornafjorden.kommune.no
Ver merksam på at merknaden din kan bli gjenstand for offentleg innsyn i tråd med offentlegheitslova og arkivlovgiving. Dersom kommunen ikkje endrar vedtaket som følge av klagen blir klagen sendt til overordna forvaltningsorgan som er Statsforvaltaren i Vestland.
Eventuelle krav om innløysing eller erstatning som følge av reguleringsplanen, jf. pbl § 15-2, må framsetjast innan 3 år frå kunngjering eller når busetnad er fjerna.