Rettingar:
• Dato i plankart 09.07.25 er endra til plankart revidert dato 17.09.25.
• Juridiske linjer i SOSI-fil er justert tilbake til faktisk vedteken situasjon. Justeringa er
utført 19.09.25.
Rettinga inneber ingen realitetsendring, men er ein teknisk justering til vedteken situasjon.
Vedtak
Bjørnafjorden kommune har vedteke endring av reguleringsplan etter forenkla prosess for Bebyggelsesplan Nordstrøno, gnr. 27 bnr. 52 m.fl. (plan-id 4624_20000502).
Vedtaket er gjort i samsvar med reguleringsføresegn revidert 09.07.2025 og plankart revidert 17.09.25 (justert etter retting).
Vedtaket har heimel i plan- og bygningslova § 12-14 andre ledd.
Om endringane
Endringa gjeld felta FS3, delar av FS7 og heile B1:
- Feltet som i dag er regulert til blokk (B1), vert endra til fem einebustader (KS5).
- FS3 og delar av FS7 vert endra frå sju bustader til 28, ved å leggje til rette for konsentrert bustad (firemannsbustader).
- Talet for bustader i planen frå 111 til 113.
Endringane er skildra i søknaden, og det er gjort endringar i både plankart og føresegn.
Planen sitt hovudføremål blir vidareført, og endringa er vurdert å vere i samsvar med hovudrammene i gjeldande plan utan å råke omsynet til viktige natur- og friluftsområde.
Vedtaket er avgjort administrativt i samsvar med Bjørnafjorden kommune sitt delegasjonsreglement.
Klage og meir informasjon
For meir informasjon om vedtaket klikk her.
Frist for å klage er tre veker. Klagen skal inneholde konkret bakgrunn for klagen og kva ein ynskjer endra. Klagen sendast til post@bjornafjorden.kommune.no.