Velkommen til frivilligbørs!

Har laget, organisasjonen, bedrifta eller tenesta du er ein del av lyst til å få i gang noko, men treng hjelp frå andre for å setje ideen ut i livet? 
Då veit vi korleis de kan gå fram! 

Os frivilligsentral inviterer med dette til historias første frivilligbørs i Bjørnafjorden:

Onsdag 4. juni kl. 18-20 på Bjørnafjorden hovudbibliotek på Os

På frivilligbørsen kan de fortelje andre lag, organisasjonar, bedrifter og kommunale tenester kva de har behov for, og samstundes kva de kan tilby andre i gjengjeld. I løpet av dei to timane arrangementet varer, skal nye idear og samarbeidsavtalar oppstå. 

OBS! Ikkje pengar – berre utveksling av tenester.

Påmelding til frivilligbørs

Kva oppgåver treng de hjelp til? Kva kan de tilby i gjengjeld?

Her er det berre å vere kreative!

Døme på avtalar frå andre frivilligbørsar rundt om i landet:

– Koret får låne øvingslokale hos ei bedrift i bytte mot at dei underheld på julebordet til bedrifta.

– Motocross-klubben får låne minibuss av idrettslaget i bytte mot at dei stiller som nattevakt på fotballcup.

– Velforeininga ryddar og plantar ved sjukeheimen i bytte mot at sjukeheimen serverer mat og drikke under arbeidet.

– Organisasjon stiller vaktar på 17. mai i bytte mot lån av ATV for merking av turstiar.

  • Kva skjer på frivilligbørsen?

    1.      Plakatverkstad

    Frivilligbørsen startar med ein plakatverkstad. Alle skriv kva dei treng og kva dei kan tilby på plakaten.

    2.      Frivilligbørsen startar

    Her er det ingen stands –  alle beveger seg fritt omkring med plakatane sine, les kva dei andre fortel og snakkar saman.

    3.      Avtalar blir inngått
    Når de har funne nokon de vil samarbeide med, lagar de ein skriftleg avtale.

Vi håpar de blir med på ein triveleg kveld med moglegheit for effektiv nettverksbygging og spennande samarbeid på tvers av kommunale einingar, frivillige lag og organisasjonar og lokalt næringsliv!
Vi gler oss!
 

Sist endra 20.05.2025 11:11

Kontakt

Stine Kobbeltvedt
Leder
Telefon: 94396618
Mobil: 94396618
Hege Kathrin Varhaug-Lekven
Spesialkonsulent
Telefon: 90990272
Mobil: 46840240