Ung Arena Bjørnafjorden

Ung Arena er eit lågterskeltilbod for ungdom. Du er alltid velkommen, uansett grunn.

Her kan ungdom få vere og berre “henge”. Ung Arena er også eit samtaletilbod for unge mellom 13 og 20 år (8. klasse og oppover). Tilbodet er gratis, og alle som jobbar her har teieplikt.

Ung Arena skal vere stress-, press- og rusfritt.

Mellombels opningstider

Måndag kl.13-16.30 for VGS-alder til 20 år 
Onsdag kl.14-16.30 for ungdomsskulealder.

Helsestasjon for ungdom er open kvar måndag og onsdag kl.14.30-16.30 for heile målgruppa 13-20 år.

Her finn du oss

Ung Arena held til i heilt nye lokale i 2. etasje på Os Aktiv. Eit ungdomspanel er med i planlegginga og utforminga av Ung Arena, og har ei sentral rolle i den vidare utviklinga.

Ung Arena skal vere ein trygg plass kor ungdom kan møte andre, og få hjelp om dei treng det. Vi kan hjelpe deg med konkrete oppgåver og utfordringar, som for eksempel jobbsøking, skulegang, personleg økonomi og samtalar rundt ulike tema.

Kven kan du treffe på Ung Arena?

Det er mange greie vaksne å snakke med, og som kan hjelpe deg, om du ønskjer det. Blant anna skal ungdomskonsulent, erfaringskonsulent, psykolog, helsesjukepleiar, ruskonsulent og representantar frå både barnevern og NAV vere innom, for å nemne nokre.

Er du ein vaksen som bryr deg? Bli frivillig ved Ung Arena Bjørnafjorden!

Følg oss gjerne på Facebook og Instagram (ungarenabjornafjorden)!

Kontakt

Elin Tuft
SLT-koordinator
Telefon: 908 10 495
Mobil: 908 10 495
Anne Solberg Andersson
Ungdomskonsulent / MOT-koordinator
Mobil: 971 74 931
Til toppen