Profesjonell utleigeaktør? Få gunstig prosjektfinansiering gjennom tilvisingsavtale med kommunen

Kva er ein tilvisingsavtale?

• Ein tilvisningsavtale er ein langsiktig avtale mellom kommunen og ein privat utleigar. 
• Målgruppa for bustader med tilvisingsrett er bustadsøkjarar som av ulike årsakar fell utanfor den ordinære bustadmarknaden. 
• Kommunen sitt mål med avtalen er å skaffe fleire eigna bustader til målgruppa.
• Avtalen gir kommunen rett til å tilvise personar og familiar i målgruppa til 40 prosent av bustadene i eit prosjekt i minst 20 år.  
• Bustadeigar inngår leigeavtale med kvar enkelt bustadsøkjar. Kommunen er ikkje bunden av ein leigeavtale og er ikkje økonomisk part i leigeforholdet.
• Dersom kommunen ikkje har aktuelle bustadsøkjarar, kan bustaden leigast ut på den opne marknaden i samsvar med vilkår og fristar som er gitt i avtalen.

Bustadene skal vere av god kvalitet i gode og trygge bumiljø, og halde standard i tråd med Husbanken sine krav. KI

Les også: Om tilvisingsavtalar og aktuelle malar på husbanken sine heimesider

Bjørnafjorden kommune ønskjer:

Tilbod på ulike prosjekt i perioden 2024-2027, der hovudtyngda er bustader for einslege i ulike bustadtyper og buformer. 

Vi har behov for følgjande utleigebustader:

• Studioleilegheiter/små 2-roms bustader (32-35 m2)
• 2-roms bustader til eldre (50-60 m2)
• 2-roms bustader (40-55 m2) 
• 2-roms bustader til personar med funksjonsnedsetting (55-60 m2) 
• 4-roms bustader (65-80 m2) 

Prosjektet må vere i tråd med eventuelle områdeplanar eller andre kommunale føringar om ønskt bustadutvikling.

Les også: Rettleiar for lån frå Husbanken.

Krav til standard 

Bustadene skal vere av god kvalitet i gode og trygge bumiljø, og ha kvalitet/standard i tråd med Husbanken sine krav. Der det ikkje blir stilt andre krav, gjeld Byggteknisk forskrift TEK17 (Direktoratet for byggkvalitet). 

• Nybygg: Kommunen ønskjer at nybygg skal byggast med livsløpsstandard. Les meir om livsløpsstandard på Husbanken sine nettsider. 
• Ombygging: Ved ombygging skal minst halvparten av bustadene ha livsløpsstandard og universell tilgang. 
• For eldre/funksjonsnedsette: I bustader tilpassa eldre og personar med funksjonsnedsetting, må Husbanken sine krav ved lån til bustadkvalitet og oppføring av livsløpsbustader følgast. 
  • For personar med funksjonsnedsetting må det i tillegg sikrast tilstrekkeleg plass til hjelpemidlar, rullestol og pleieplass.  

Krav til utleigeselskap

Desse reglane gjeld for profesjonelle utleigarar som skal inngå tilvisingsavtale med kommunen og søkje lån frå Husbanken:

• Utleigar har som føremål å eige, forvalte og leige ut bustader til personar etter avtale med kommunen.
• Utleigar inngår ein samarbeidsavtale med kommunen.
• Utleigeforholdet er basert på husleigekontraktar etter husleigelova.
• Utleigar aksepterer NAV-garanti som depositum.
• Leigetakarar som ikkje blir tilvist frå kommunen, får tilbod om minimum 5 års leigekontrakt.
• Utbyggjarar må sjølve skaffe tomter til prosjekta.

Tilbodet må innehalde følgjande dokumentasjon:

• Skildring av utleigeselskapet med firmaattest, skatteattest nyare enn 6 månader og kredittvurdering
• Teikningar: situasjonsplan, plan, snitt og fasadeteikningar, samt prosjektskildring

Ved val av aktør/prosjekt vil vi vektlegge:

• Skildring av utleigeselskapet
• Plan for forvaltning av bebuarar og bumiljø
• Husleigenivå
• Kvalitet og bustadstandard
• Tidspunkt for ferdigstilling
• Livsløpsstandard ved nybygg
• Nærleik til ulike funksjonar som handel og tenester, idretts- og kulturliv samt offentleg kommunikasjon.

All innsendt dokumentasjon frå tilbydarar vil bli behandla konfidensielt fram til ein eventuell avtale er inngått.

 Send tilbod

Frist for å sende inn tilbod: 10. april 2024

For meir informasjon, ta kontakt med Bustadkontoret ved Kari Torsvik, tlf.  476 11 314