Søk om bustøtte

• Du har låge inntekter og høge buutgifter
• Du bur i ein godkjent bustad
• Registrert adresse i folkeregisteret og bustadadresse må vere den same. Søkar og bipersonar må vere registrerte i Folkeregisteret på søkeadressa den 1. i søknadsmånaden
• Du må levere alle sider av gyldig husleigekontrakt, signert av utleigar og deg
• Husbanken har sett ei øvre grense på godkjente bustadutgifter etter talet på personar i husstanden. Utgifter over denne grensa blir ikkje tatt med i berekninga. Les meir på Husbanken si heimeside.
• Du kan søkje om bustøtte til både eigd og leigd bustad, men bustaden må vere godkjent. 
  • Dersom du til dømes leiger ei hytte eller eit sommarhus, vil det ikkje kvalifisere til bustøtte. Dersom du er i tvil om leigebustaden er godkjent, kan du ta kontakt med bustadkontoret i kommunen.

Dersom du allereie har fått bustøtte, men likevel er i ein vanskeleg økonomisk situasjon på grunn av høg husleige, ta kontakt med NAV.

Du er ansvarleg for at rette og relevante opplysingar ligg ved søknaden.

Bustøtte er ei støtteordning som ikkje skal betalast tilbake. Dersom opplysingane som er leverte inn saman med søknaden er feil, kan Husbanken krevje tilbakebetaling av bustøtte.  

Den samla inntekta før skatt til alle vaksne i husstanden, avgjer om du har rett til bustøtte. Husbanken har ein bustøttekalkulator på nettsidene sine, der du kan finne ut om du har rett til bustøtte og omtrent kor mykje du kan få.  

Søk digitalt på husbanken.no. 
Du legg sjølv inn nødvendige opplysingar og relevante vedlegg. Du kan be kommunen sitt bustadkontor om råd og rettleiing dersom du vil søkje om bustøtte. 
Husbanken kontrollerer opplysingane og reknar ut bustøtta. Dersom du vil klage på bustøtte, kan du gjere det anten digitalt til Husbanken eller på skjema til kommunen.  

Du kan lese om rettane dine i Lov om bustøtte og kommunale bustadtilskot (bustøttelova).