Søk om følgekort

Du kan søke om følgekort dersom du har ei funksjonshemming som gjer at du har behov for hjelp til dei fleste gjeremål i kvardagen.

• Ordninga med følgekort gjeld for personar med varig funksjonshemming.
• Du må ha behov for følgekort for å kunne delta på offentlege kultur- eller fritidsarrangement, eller for å kunne nytte offentleg transport.
• Det er ikkje økonomisk prøving for behovet for følgekort, og ordninga er ikkje knytt opp til om søkjar er trygda.

Du vel sjølv kven du vil bruke som følge frå gong til gong. Det kan til dømes vere ein venn, støttekontakt, familiemedlem eller andre. Følgepersonen må ha fylt 16 år.

Det kostar ingenting å få følgekort.

Sende inn digitalt: Elektronisk søknadsskjema (Du må ha bankid for å fylle det ut).

Fastlege eller spesialist kan skrive sakkunnig vurdering her, slik at du slepp å legge det ved søknaden din. (Du må sjølv ta kontakt med fastlege/spesialist for dette).

Sende inn på papir: Fyll ut skjema for søknad om følgekort (PDF, 145 kB)
Det er den som treng følge som skal skrive under søknaden, eventuelt pårørande med fullmakt.
Gjeld søknaden ein under 18 år, må føresette skrive under på søknaden. 

Du må legge ved:

• vurdering frå primærlege eller legespesialist. Skjema for dette finn du saman med søknadsskjemaet
• 1 stk. passfoto

Send søknad og vedlegg til Bjørnafjorden kommune, avdeling for forvaltning og koordinering, postboks 24, 5649 Eikelandsosen.

Treng du fleire enn ein følgeperson, må legen greie for dette på eige skjema, som du finn saman med søknadsskjemaet. Det vil framgå av følgekortet kor mange følgepersonar kortet gjeld for. 

Behandling av søknaden

Det er avdeling for forvaltning og koordinering som behandlar søknaden. Søknaden blir behandla så snart vi har alle opplysningane vi treng. Dersom dette tar meir enn ein månad, gir vi deg beskjed. 

Fastlege eller spesialist kan skrive sakkunnig vurdering  av søkar sitt behov for følgekort elektronisk. Fastlege/spesialist logger inn med bankid, og når skjema er ferdig utfylt og sendt inn vil det gå til Avdeling for forvaltning og koordinering i Bjørnafjorden kommune.

Sakkunnig vudering av søkar sitt behov for følgekort