Omsorgsstønad

Omsorgsstønad er ei støtte til pårørande som har eit særleg tyngande omsorgsarbeid. Målet er at familien kan halde fram med å ha omsorgen for sine nærmaste.

Kommunen legg til grunn berre oppgåver som blir rekna som nødvendige helse- og omsorgstenester når vi vurderer om du skal få omsorgsstønad. Det vil seie oppgåver som kommunen måtte ha utført, om ikkje du hadde gjort det.

I kvart tilfelle vurderer vi om det er mest hensiktsmessig å gi omsorgsstønad eller ei anna kommunal helseteneste.

Kven kan få omsorgsstønad?

Du kan få innvilga omsorgsstønad dersom 

  • omsorgsmottakar treng nødvendige helse- og omsorgstenester for å kunne bu i eigen heim
  • omsorgsarbeidet blir vurdert som særleg tyngande
  • omsorgsarbeidet er fagleg forsvarleg og til det beste for omsorgsmottakar 

Ansvaret ditt

Du må gi oss beskjed dersom

  • det er endringar i situasjonen til omsorgsmottakar som kan ha betydning for utmåling av stønaden
  • du skal på ferie eller ha andre fråvær frå omsorgsmottakar
  • omsorgsmottakar blir innlagt på sjukehus eller institusjon 
  • det er feil i utbetaling av omsorgsstønad. Ved for høg utbetaling av stønad må du betale tilbake
  • du eller omsorgsmottakar endrar bustadadresse
  • Du har plikt til å gi beskjed til NAV om at du får omsorgsstønad

Vanlege spørsmål og svar om omsorgsstønad

Kva betyr «særleg tyngande» omsorgsoppgåver?
Kor mykje kan du få i omsorgsstønad?
Har du rett på omsorgsstønad?
Må du bu saman med omsorgsmottakar for å kunne få omsorgsstønad?
Lovgrunnlag

Slik søkjer du 

Kva skjer vidare med søknaden?

Kontakt

Avdeling for forvaltning og koordinering
Telefon: 91672072