Oppfriskingsdosen mot korona kan gis samtidig med haustens influensavaksine (samvaksinering). Viss du tilhøyrer ei risikogruppe, får du koronavaksinen gratis.
Bjørnafjorden kommune sender ikkje innkalling til vaksinering. Du må sjølv bestille time.
Slik kan du få koronavaksine i oktober og november:
Bestill vaksine hos fastlegen din
Ta kontakt med legekontoret på vanleg måte for å bestille time til vaksinasjon. Alle legekontor i Bjørnafjorden kommune tilbyr koronavaksine i oktober og november.
Bestill vaksine på apotek
Bjørnafjorden kommune har avtale om koronavaksinasjon med tre apotek i kommunen. Ved apoteka kan du velje mellom fleire dagar og tidspunkt. Du kan bestille på nett eller telefon.
Vaksine til barn under 12 år
Barn under 12 år kan få vaksine på dei to kommunale legekontora: Osøyro legesenter på telefon 56 57 00 20 eller Eikelandsosen legekontor på telefon 56 58 02 90
Desse gruppene er anbefalt å ta vaksine:
- 65 år og eldre, og sjukeheimsbebuarar
- 18–64 år som tilhøyrer ei risikogruppe
- 12–17 år med alvorleg grunnsjukdom
- 6 månader–11 år med alvorleg grunnsjukdom etter individuell vurdering
- Gravide i 2. og 3. trimester
Dersom du tilhøyrer ei av gruppene over, anbefaler FHI deg å ta ein ny oppfriskningsdose før vintersesongen 2024-2025.
Les meir om vaksineanbefalingar og risikogrupper på fhi.no
Har du spørsmål om koronavaksine?
Svar på dei fleste koronaspørsmål finn du på helsenorge.no/koronavirus.
Les meir om koronavaksine på Folkehelseinstituttet sine nettsider