Vil du glede nokon som har lite til jul?

Julegåveaksjonen Prosjekt Hjartetre samlar inn gåveønske frå barn 0-18 år i Bjørnafjorden kommune. Ønska kan vere leiker, klede eller opplevingar for familien.
Kvart ønske blir skrive på eit hjarte, som deretter pyntar hjartetrea som står på Amfi Os, Kafé Kuli og Fjord'n senter i førjulstida. 

Alle som vil og har moglegheit, kan ta med seg eit hjarte og oppfylle ønsket som står på. 

På hjartetrea heng papirhjarte med gåveønske på.

Slik kan du gi

Oppfyll eit ønske på eit hjartetre:

• Hjartetre på Amfi Os og Kafé Kuli frå 16. november 2024
• Hjartetre på Fjord'n senter frå 30. november 2024

Ta med deg eit hjarte og oppfyll ønsket som står på. Du kan levere gåva i butikken du handlar i eller levere sjølv hos Os frivilligsentral eller Fusa frivilligsentral innan 9. desember.

Gi ei matgåve i handlevogna

I fleire daglegvarebutikkar er det plassert ut handlevogner kor du kan gi mat- og andre daglegvarer i gåve (ikkje ferskvare). Til dømes: Julesnop, julekaker, potetgull, kaffi, te, kakao, saft, brus, tørrvarer, vaskemiddel og andre hygieneartiklar. 

Du kan vippse til #830959 Prosjekt Hjartetre

Prosjektet gir bidrag til innkjøp av julemat til familiar og enkeltpersonar i ein vanskeleg økonomisk situasjon.

Tusen takk for at du er med på å lage eit varmare samfunn!

Sjå også: Slit du med å få endane til å møtest før jul? Vi er mange som vil hjelpe deg! Meld deg som mottakar før 1. desember 2024

Prosjekt Hjartetre

Julegåveaksjonen Prosjekt Hjartetre er eit fellesprosjekt mellom frivilligsentralane, eldsjeler, hjelpeorganisasjonar, kommunale einingar og næringsliv i kommunen vår. 
Målet for prosjektet er å spreie glede og varme til barn, unge og familiar som har det ekstra trongt i samband med jul, gjennom eit felles julegåveprosjekt kor privatpersonar og næringsliv kan oppfylle juleønske frå barn og unge i nærmiljøet. I tillegg vil dei gi bidrag til julemat for dei som treng det. 

Bjørnafjorden kommune ved Os frivilligsentral har ansvaret for prosjektleiing og økonomi.