Vedtak
Endring av detaljregulering for Vågshaugen sør, vert godkjent i medhald av plan- og bygningslova § 12-14 andre ledd med følgjande dokument:
• Plankart sist revidert 20.03.25
• Føresegn, sist revidert 20.03.25
• Søknad om endring etter forenkla prosess, datert 30.04.25
• Merknadsskjema 25.04.25
Planendringa omfattar ei omdisponering av areal frå einebustadar (BFS1-3) til konsentrert småhusbusetnad (BKS5-6), og etablering av nytt leikeareal (f_BLK4) som erstattar tidlegare BFS2 og turveg GT. Turvegen er sikra i føresegna. Endringa legg til rette for auka utnytting av bustadarealet med fleire bueiningar av mindre storleik, samtidig som det vert sikra større samanhengande leike- og uteopphaldsareal. Ny parkeringsløysing vert etablert med carportar/garasjeanlegg i BG3-4 for å møte kravet om 1,5 parkeringsplassar per bueining under 65 m².
Gjeldande plan er frå 2021 og legg til rette for arealføremålet bustad. Endringane er i tråd med dette, men legg større vekt på bustadeiningar tilpassa små hushaldningar og aleinebuande. Området vil framleis ivareta ulike bustadformer, noko som er i samsvar med kommuneplanen sin samfunnsdel (KPS) 2023-2035.
Det er gjort endringar i plankart og føresegn.
Vedtaket er avgjort administrativt i samsvar med Bjørnafjorden kommune sitt delegasjonsreglement.
For meir informasjon om vedtaket klikk: her
Ein kan klage på vedtaket dersom ein har rettsleg klageinteresse eller er part i saka. Frist for å sende inn klage er den 09.07.25. Klagen skal inneholde konkret bakgrunn for klagen og kva ein ynskjer endra. Klagen sendast til post@bjornafjorden.kommune.no