Politiske utval 2023-2027

Bjørnafjorden kommunestyre

• Kommunen sitt øvste styrande organ.
• Behandlar saker som først har vore innom kommunedirektør, ordførar og/eller dei ulike politiske utvala og gjer vedtak på kommunen sine vegner.
• Kommunestyret skal behandle saker dersom ein lovregel gir særlig grunn til å hevde at kommunestyret bør avgjere saken eller saken sin art tilseier at kommunestyret sjølv bør avgjere den. Kommunestyret skal avgjere saker som har eit klart overordna styringsformål, mellom anna: 

1. Kommunen sin politiske organisering og reglement for faste utval
2. Vedtekter, forskrifter og overordnede retningslinjer
3. Prioriteringar av større budsjettmessige og overordna betydning
4. Fastsetja arbeids- og ansvarsskillene mellom politisk og administrativt nivå, herunder utarbeide / justere reglement og føringar for utøvelse av delegert mynde
5. Vedtak om kommunale budsjett, avgifter, og prinsipper for fastsettelse av leiesatser, eigenandeler, brukarbetaling, gebyrer som ikkje er fastlagt i lover og forskrifter m.v.
6. Saker om konsesjonar eller avtalar om leveransar, betydelege bruksrettar eller særlege råderettar som anten bind kommunen for meir enn 5 år eller har mykje å seia for kommunen sin økonomi. kr 10 000 000,- eller lågare er delegert formannskapet
7. Saker om å kjøpa, avhenda, makeskifta eller pantsetja fast eigedom, og saker om å gje frå seg eller hefta bort rettar i fast eigedom på meir enn 10 millionar.  Prinsipelt avklare sal av eigedom over 4 mål. (kr 10 000 000,- eller lågare er delegert til Eigedomsutvalet.

Bjørnafjorden formannskap

• Heilskapsplanlegging (kommuneplan) og andre større planar som går på tvers av fleire sektorar
• Politiske leiings- og samordningsoppgåver
• Leier arbeidet med økonomiplanen og legg fram forslag til økonomiplan og årsbudsjett
• Overordna personalpolitikk og organisasjonsutvikling
• Kjøp og sal av kommunale tomter og eigedomar
• Andre prinsipielle saker som ikkje er lagt til andre utval og saker etter tilvising frå ordføraren
• Valstyre for kommune-, fylkes- og stortingsval
• Ekspropriasjon/oreigning.
• Vedtak i samband med sals- og skjenkeløyver
• Har opgåva som klagenemnd i Bjørnafjorden kommune

Plan-, bygg- og miljøutvalet

• Behandlar arealsaker etter plan- og bygningslov, jordlov og relaterte lover
• Ansvarleg for arealdelen til kommuneplanen og rammeplanar for infrastruktur i samband med areal: avløp, vatn, energi, trafikksikring
• Rapporterer til kommunestyret

Tenesteutvalet

• Utvalet driv med utvikling og oppfølging av tenestene kommunen tilbyr og rapporterer til kommunestyret. 
• Tenesteutvalet har mynde til å treffe avgjerd innanfor sektor helse og velferd og sektor oppvekst. I saker med økonomiske konsekvensar innstiller tenesteutvalet til formannskapet.

Administrasjonsutvalet

• Behandlar saker som gjeld det overordna forholdet mellom kommunen og tilsette i kommunen, til dømes lønn, arbeidsmiljø og sjukefråvær.
• Utviklingstiltak, oppfølging og implementering av nasjonale reformer.

Kontrollutvalet

• Kontroll og tilsyn med alle område i kommunen. Hovudføremålet er å sikre at innbyggarane har tillit til at kommunen løyser oppgåvene sine på best mogleg måte og i samsvar med gjeldande lover og reglar.

Eigedomsutvalet

• Behandlar kommunens kjøp og sal av eigedom.
• Er arbeidsutval for formannskapet og blir vald blant formannskapet sine medlemmer.

Bjørnafjorden eldreråd

• Eldrerådet er eit rådgjevande organ som skal ha til behandling alle saker som gjeld levekår for eldre i kommunen, jf forskrift om medvirkingsordninger § 2. 
• Rådet blir sett saman av dei ulike pensjonistorganisasjonene i kommunen, og med tre medlemmer valde av kommunestyret.
• Skal sikre at eldre innbyggarar sitt syn i saker som vedkjem dei, blir tatt med når avgjerder skal fattast.

Bjørnafjorden ungdomsråd

• Ungdomsrådet er eit rådgjevande organ som skal ha til behandling alle saker som gjeld levekår for unge i kommunen, jf forskrift om medvirkingsordninger § 2.
• Medlemmer i ungdomsrådet skal på valgtidspunktet ikkje ha fylt 19 år.
• Skal sikre at ungdom sitt syn i saker som vedkjem dei, blir tatt med når avgjerder skal fattast.
• Sjå vedtekter for Bjørnafjorden ungdomsråd (PDF, 151 kB)
• Sjå handlingsplan for Bjørnafjorden ungdomsråd (PDF, 80 kB)

Råd for menneske med med nedsett funksjonsevne

• Råd for menneske med nedsett funksjonsevne er eit rådgivende organ som skal ha til behandling alle saker som gjeld levekår for menneske med nedsett funksjonsevne i kommunen, jf forskrift om medvirkingsordningar § 2.
• Skal sikre at innbyggarar med nedsett funksjonsevne sitt syn i saker som vedkjem dei, blir tatt med når avgjerder skal fattast.

Bjørnafjorden valstyre 

• Ansvar for førebuing og gjennomføring av kommune-, fylkestings- og stortingsval
• Formannskapet er valstyre i Bjørnafjorden kommune

Ombodsutvalet

• Utvalet skal minst ein gong i løpet av valperioden legga fram revidert forslag til reglement for politisk nivå, politisk organisering, politisk delegering og forskrift om godtgjering og utgiftsdekning for folkevalde.

Klagenemnd

• Formannskapet er klagenemnd i Bjørnafjorden kommune