Dans- og dramalina ved Bjørnafjorden kulturskule er eit tilbod til barn og unge frå 7 år. 

Slik skjer undervisninga

Basegrupper: Elevane blir delte inn i basegrupper med barn og unge på same alder. Denne gruppa høyrer dei til gjennom heile løpet i kulturskulen. Nye elevar er alltid velkomne, uavhengig av tidlegare erfaring, så lenge basegruppa ikkje er full.
I basegruppene vil elevane ta del i og utforske fleire danse- og dramateknikkar, som: 

• Moderne dans/samtidsdans
• Jazzdans
• Samtidsballett
• Street dance
• Latinodans/folkedans
• Improvisasjon/kontaktimprovisasjon
• Danseteater
• Drama og teater
   

Fordjupingsfag: elevar som ønskjer å danse meir, kan fordjupe seg i følgjande fag:

• Ballett 7-12: for aldersgruppa 7-12
• Street/jazz: frå 12 år og oppover
• Samtidsballett: frå 12 år og oppover
• Moderne dans/samtidsdans: dei over 14 år kan søkje. Pedagogane tildeler plass.
• Danseteater: internt opptak. Elevar frå moderne dans/samtidsdans får tilbod om plass frå pedagogar

Lærar

Dans- og dramalina har to pedagogar: Patricia Langeland og Julia Agate Erstad Bergesen. 

Pedagogane satsar på mangfald og breidde i undervisninga. Elevane skal få tid til å vere kreative, både åleine og i grupper. Dei tar eigne val og presenterer eigne tolkningar. Undervisninga er prosessbasert, kor elevane tileigner seg forståing kring ulike tema. Desse prosessane endar i ein eller fleire produksjonar årleg, kor elevane får presentere det dei har utforska og lært.

Tid og stad

Oseana kunst- og kultursenter
Os næringspark (inngang ved Nøkkelen Hårstudio)
Fjord'n arena
Eleven får beskjed om tidspunkt for undervisninga i eit eige skriv.

Prisar og praktisk informasjon.

Slik søkjer du om plass

Søk på elektronisk søknadsskjema

Visuelle kunstfag har som mål å vere eit rom for skapande aktivitet i eit inkluderande læringsmiljø. Tilbodet er for barn frå 8 år.

Slik skjer undervisninga

Kvart barn får høve til å arbeide med ulike tverrfaglege uttrykk. Dei skal få individuell oppfølging ut frå sine føresetnader, i tillegg til å vere del av ei større gruppe.

Vi fokuserer på mangfald i biletkunsten, der elevane får jobba med forskjellige materialar og formspråk innan ulike fagfelt.

Lærar

Inga S. Søreide.

Tid og stad

Måndag og tysdag
Os aktiv

Elevane får eige skriv med informasjon om tidspunkt for undervisninga

Individuell songundervisning er eit tilbod for barn og unge frå 11-12-årsalderen. Bjørnafjorden kulturskule gjev undervisning frå nybegynnar- til høgskulenivå.

Slik skjer undervisninga

Stemma har vi med oss i alle situasjonar i livet, frå barn til vaksen. Hovudmålet for songundervisninga er å utforske og bli kjend med si eiga stemme, og kunne nytte heile registeret frå det lyse til det mørke, og jobbe fram ei så velfungerande stemme som mogleg.

Vi tar utgangspunkt i klassiske songprinsipp, men jobbar med musikk i alle sjangrar. Hovudfokuset ligg på stemmebruk, pusteteknikk, intonasjon, formidling og utøving.

Undervisning skjer både individuelt og i grupper. I løpet av skuleåret vil eleven få høve til å opptre på konsertar i regi av kulturskulen.

Stad

Oseana kunst og kultursenter og Os aktiv
Fusa ungdomsskule
Eleven får informasjon om stad og tidspunkt i eige skriv.

Lærar

Turid Moberg Kirkbride

Vokalgruppe/fordjuping song er eit tilbod til elevar frå ungdomstrinnet og oppover. Dette er eit gruppetilbod på 60 min i veka med to lærarar. Med utgangspunkt i song, stemmebruk og drama blir det arbeidd kreativt og fysisk med formidling. Det er fokus på pust og det å få djupare kjennskap til sitt eige instrument. Gruppa vil gjennom året samarbeide med danselinja gjennom prosjekt. Tilbodet er forpliktande, og det forventast oppmøte på samlingar og prosjekt.

Lærar

Turid Moberg Kirkbride og Patricia Langeland

Bjørnafjorden kulturskule tilbyr undervisning i piano på alle nivå frå nybegynnar til vidarekomne.

Slik skjer undervisninga

Undervisninga er tilpassa kvar enkelt elev og skjer individuelt i 20 minutt, ein gong i veka.

Spelegleda står i sentrum for undervisninga.
Gjennom bruk av eit breitt repertoar, frå barnesongar og popmusikk til klassisk musikk, lærer elevane grunnleggjande tekniske ferdigheiter og  teori.

I starten ligg fokuset på klassisk musikk. Eleven kan velje å fordjupe seg i den eller velje ei annan retning (pop, jazz, samtids- eller filmmusikk) på eit seinare stadium.

Instrument

Eleven må ha tilgang til eit akustisk eller digitalt piano for øving heime.

Tid og stad

(Dersom det er elevgrunnlag til det vil kulturskulen
vurdere å ha undervisning ved fleire skular i kommunen)

Strandvik montessoriskule
Fusa ungdomsskule
Fusa skule
Vinnes friskule 
Os aktiv
Oseana kunst- og kultursenter

Eleven får beskjed om tidspunkt for undervisning i eit eige skriv.

Lærar

Eleonora Melnik-Larsen, Jon Søfteland Sæbø, Knut Magnus Bøen, Katrin Heyland, Turid M Kirkbride

Bjørnafjorden kulturskule tilbyr undervising i el-tangent på alle nivå.

Slik skjer undervisninga

Undervisninga blir tilpassa eleven sitt nivå.

Fokus for undervisninga er:

• Teori og kunnskap til instrumentet. Note og akkordlære.
• Teknikk og rytmikk.
• Improvisasjon.
• Eleven lærer seg å spele etter gehør.

Vi spelar musikk frå alle sjangrar. Eleven får òg vera med og bestemma kva musikk ho eller han ynskjer å spele.

Eleven får individuell undervisning 20 minutt kvar veke, men spelar òg i lag med andre elevar i forskjellige instrumentgrupper/band fram mot konsertar og ulike andre prosjekt.

Det er viktig at eleven trivst med instrumentet sitt og innarbeider gode øvingsrutiner. Vi legg vekt på trivsel i undervisningssituasjonen og tryggleik i samspel med andre elevar.

Instrument

Kulturskulen har ikkje utlånsinstrument.

Tid og stad

(Dersom det er elevgrunnlag til det vil kulturskulen
vurderer å starte opp undervisningstilbod ved fleire av skulane i kommunen)

Oseana kunst- og kultursenter 
Fusa skule
Fusa ungdomsskule
Hålandsdalen montessoriskule
Strandvik montessoriskule

Lærar

Jon Søfteland Sæbø / Aksel H. Holdhus

Prisar og praktisk informasjon.

Slik søkjer du om plass

Søk på elektronisk søknadsskjema

Bjørnafjorden kulturskule tilbyr undervisning på gitar, ukulele og el-gitar, frå nybegynnarar til vidarekomne.

Slik skjer undervisninga

Undervisninga blir tilpassa eleven sitt nivå.

Fokus for undervisninga er:

• Teori og kunnskap om instrumentet.
• Tabulatur og akkordlære.
• Teknikk og rytmikk.
• Improvisasjon
• Eleven lærer seg å spela etter gehør.

Vi spelar musikk frå alle sjangrar. Eleven får òg vera med og bestemme kva musikk ho eller han ynskjer å spele.
Eleven får individuell undervisning 20 minutt kvar veke, men spelar òg i lag med andre elevar i forskjellige instrumentgrupper/band fram mot konsertar og ulike andre prosjekt.

Det er viktig at eleven trivst med instrumentet sitt og innarbeider gode øvingsrutinar. Vi legg vekt på trivsel i undervisningssituasjonen og tryggleik i samspel med andre elevar.

Instrument

Kulturskulen har ikkje utlånsinstrument.

Tid og stad

(Dersom det er elevgrunnlag til det vil kulturskulen
vurdere å ha undervisning ved fleire skular i kommunen)

Oseana kunst- og kultursenter
Fusa ungdomsskule
Fusa skule
Os aktiv
Kuventræ barneskule

Søfteland skule

Lærar

Jon Søfteland Sæbø / Tommy Haltbakk

Prisar og praktisk informasjon.

Slik søkjer du om plass

Søk på elektronisk søknadsskjema

Kulturskulen tilbyr opplæring i trommesett, melodisk slagverk og det som trengs i høve til å vere slagverkar i korps, orkester eller band. Vi tar utgangspunkt i klassiske slagverksteknikkar og jobbar med musikk i alle sjangrar. 

Slik skjer undervisninga

Eleven får individuell undervisning, 20 minutt kvar gong.
Målet med undervisninga er å utvikle eleven som musikar gjennom å lære:

• Grunnleggjande musikalske og motoriske ferdigheiter
• Noteopplæring og gehørtrening
• Ulike slagverksteknikkar
• Ulike stilartar
• Solospel og -opptreden
• Ensemblespel, band og konsertdeltaking
• Å beherske fleire slagverksinstrument

Undervisninga skjer både individuelt og i grupper. I løpet av skuleåret vil eleven få høve til å opptre på konsertar i regi av kulturskulen.

Fordjuping slagverksensemble er eit gruppetilbod på 60 min i veka for dei som allereie har solotimar på slagverk, men ønskjer å spele meir saman med andre. Slagverksensemble er eit nytt tilbod i kulturskulen der ein får spele god musikk og utvikle seg på samspel, lytting, teknikk m.m. Elevane vil lære å spele dei fleste instrument innanfor faget slagverk.

Tid og stad

Oseana kunst- og kultursenter.
Eleven får informasjon om tidspunkt i eige skriv.

Lærar

Torstein Åvar Sollien 

Tverrfløyte er eit tilbod til barn og unge frå 3. klasse. Bjørnafjorden kulturskule tilbyr fløyteundervisning frå nybegynnarnivå og heilt opp til høgskulenivå.

Slik skjer undervisninga

Tverrfløyte er eit allsidig instrument som brukast i mange samanhengar og til svært mange typar musikk.
I fløyteundervisninga får eleven, gjennom leik og læring, moglegheit til å utforska samspelet mellom pust/tone og koordinasjon av fingrar/tunge.

Vår fløytetekniske opplæring legg grunnlag for at eleven skal kunna framføra korpsmusikk, folkemusikk, jazz, pop og andre musikkstilar, både individuelt og i samspel.

Eleven får ei eiga fløytebok som dannar grunnlaget for note- og rytmelæring. Musikkteori og instrumentutøving går hand i hand.

Fleire av skulekorpsa i kommunen tilbyr samspel for fløytespelarar. Etter kvart som eleven utviklar seg vil det vere mange moglegheiter for å medverke på kulturskulen sine konsertar, både som solist og i grupper.

Instrument

Eleven kan leige fløyte av Bjørnafjorden kulturskule. Ved kjøp av eiga fløyte vil vi oppmode eleven om først å rådføre seg med fløytelæraren.

Tid og stad

Måndag og tysdag
Os aktiv
Eleven får beskjed om tidspunkt for undervisninga i eit eige skriv. 

Lærar

Knut Magnus Bøen 

Prisar og praktisk informasjon.

Slik søkjer du om plass

Søk på elektronisk søknadsskjema

Bjørnafjorden kulturskule tilbyr undervisning i klarinett på alle nivå - frå nybegynnar til vidarekomne.

Slik skjer undervisninga

Eleven får individuell undervisning, 20 minutt kvar gong.
Undervisninga blir tilpassa eleven sitt nivå, og omfattar mellom anna:

• notelære
• musikkteori
• gehør
• instrumentkunnskap
• solospel
• samspel i små og større grupper.

Kulturskulen samarbeider med korpsa i kommunen, og vi tilpassar undervisninga for dei elevane som spelar i skulekorps. Det er ein fordel, men ikkje ein føresetnad, at elevar på treblåsar- og messinginstrument har eit samspelstilbod i tillegg til den individuelle undervisninga - fyrst og fremst gjennom eit av skulekorpsa i kommunen.

Instrument

Eleven kan leige instrument av Bjørnafjorden kulturskule. Ved kjøp av eige instrument, vil vi oppmoda eleven om fyrst å rådføra seg med læraren.

Tid og stad

Onsdagar
Os aktiv
Eleven får beskjed om tidspunkt for undervisninga i eit eige skriv. 

Lærar

Sjasmin Reitehaug

Saksofon er i bruk på mange ulike musikalske scener. Vi i Bjørnafjorden kulturskule ønskjer alle velkomne til å utforska saksofonen i alle typar sjangrar; frå klassisk og jazz til funk, verdsmusikk, pop og rock.

Slik skjer undervisninga

Bjørnafjorden kulturskule tilbyr individuell undervisning på alle dei ulike saksofontypane: sopran, alt, tenor og baryton. Saksofonundervisninga vil i starten vera fokusert på speleglede og kjensle av meistring gjennom spel på gehør og bøkene "Spill" og "Midt i blinken". Desse bøkene er enkle å forstå og inkluderer alle moglege musikksjangrar. Etter kvart vil fokus vera på meistring av den musikken eleven sjølv ønskjer å spela, uavhengig av sjanger.  

Instrument

Bjørnafjorden kulturskule har nokre instrument til utlån. I tillegg har vi eit godt samarbeid med korpsa i kommunen med tanke på lån av instrument og fleksible samspelstilbod.

Tid og stad

Onsdag
Os aktiv
Eleven får beskjed om tidspunkt for undervisninga i eit eige skriv. 

Lærar

Sjasmin Reitehaug