Kva gjer vi?
Logopeden kan jobbe direkte med barn som har
- vanskar med uttale og språklydar, det kan for eksempel vere at barnet byter ut ulike lydar eller kutter ut stavingar/lydar i ord.
- stamming og løpsk tale.
- stemmevanskar.
Barnet får vanlegvis tilbod om treningsøkter kvar veke, i ein periode på inntil 10 veker. Den direkte hjelpa består av periodar med trening og pausar. Treninga skjer i barnehagen eller på skulen, men barnet kan også kome saman med føresette til logopeden sitt kontor.
Vi kan også delta i samarbeid rundt barn som har meir omfattande hjelpebehov.
Slik søker du om logoped
Dei fleste barn som får direkte hjelp frå logopedtenesta er i alderen 4 – 7 år. Du som forelder søker om logoped via dette digitale skjemaet. Er du usikker på om logoped er riktig hjelp for barnet ditt, eller om barnet ditt også har andre hjelpebehov? Ta kontakt med oss før du sender inn skjemaet.
Har du andre spørsmål til logopedtenesta, eller vil du at vi skal ta kontakt med deg? Send oss ein e-post med telefonnummeret ditt, så tar vi kontakt.
NB! Ikkje skriv sensitiv informasjon som helseopplysningar eller hjelpebehov i e-posten.